«Федоров аудандық білім қызметкерлері кәсіптік одағы ұйымы» филиалының 2025 жылғы қызметі туралы О деятельности филиала «Федоровская районная организация профессионального союза работников образования за 2025 год»

«Федоров аудандық білім қызметкерлері кәсіптік одағы ұйымы» филиалының 2025 жылғы қызметі туралы

Аслиева Н.Ә. – филиал төрайымы

         2025 жылы Жергілікті кәсіподақ филиалының қызметі жарғылық міндеттерге сәйкес және жоғары тұрған кәсіподақ ұйымдарының негізгі даму бағыттарын ескере отырып жүргізілді: «Адал» кәсіподақтар федерациясы республикалық бірлестігі, «Өрлеу» салалық кәсіподағы және Қостанай облысы білім және ғылым ұйымдары қызметкерлерінің жергілікті кәсіптік одағы.

Өткен жылы білім және ғылым ұйымдары қызметкерлерінің жергілікті кәсіподағы тағы бір мәрте бірлік арқылы үлкен нәтижелерге қол жеткізуге болатынын дәлелдеді. Облыстық кәсіподақ ұйымы бүгінде 25 мыңнан астам мүшені біріктіретін ұйым болып табылады. Күш-жігерімізді біріктіре отырып, біз алға қойған мақсаттарға кезең-кезеңімен жетіп, жаңа мүмкіндіктерге жол ашудамыз. Сонымен қатар, кәсіподақ қозғалысының дәстүрлерін сақтап, оның беделін арттырудамыз.

Бүгінде «Федоров аудандық білім қызметкерлері кәсіптік одағы ұйымы» филиалының құрамында 30 бастауыш кәсіподақ ұйымы бар, олар 960 адамды біріктіреді, бұл барлық қызметкерлердің 90%-ын құрайды. 2025 жылдың 1 қазанынан бастап аудандық кәсіподақ ұйымының құрамына «Қарлығаш» бөбекжай-бақшасының 12 қызметкері қосылып, бастауыш ұйымдар саны артты.

Мемлекет басшысы Қасым-Жомарт Тоқаевтың 2025 жылды Жұмысшы мамандықтары жылы деп жариялауына байланысты кәсіподақ жұмысында қосымша басымдықтар белгіленді. Ерекше назар білім беру ұйымдарындағы техникалық және қызмет көрсетуші персоналға аударылды.

Кәсіподақ мүшелерін әлеуметтік қолдау негізгі басымдық болып табылады. Бұл бағыттағы жұмыс облыстық білім басқармасы мен Жергілікті кәсіподақ арасындағы 2024–2026 жылдарға арналған әлеуметтік әріптестік туралы келісім арқылы жүзеге асырылды. Құжатта Қазақстан Республикасының Еңбек кодексімен салыстырғанда кәсіподақ мүшелеріне арналған әлеуметтік кепілдіктерді кеңейтетін 100-ге жуық норма қамтылған.

Атап айтқанда, азаматтық емес қызметкерлер үшін негізгі еңбек демалысының ұзақтығы 24 күннен 30 күнтізбелік күнге дейін ұлғайтылды. Бұл норма аспаздарға, асхана жұмысшыларына, күзетшілерге, қоймашыларға, аула сыпырушыларға, кастеляншаларға, от жағушыларға және басқа да қызметкерлер санатына қолданылады.

Сонымен қатар ауыр еңбек жағдайында жұмыс істейтін аспаздар, қызметтік үй-жайларды тазалаушылар, тәрбиеші көмекшілері, кір жуатын орындардың қызметкерлері және басқа да мамандар үшін қосымша демалыс қарастырылған. Мысалы, кәсіподақ мүшесі болып табылатын қызметтік үй-жайларды тазалаушы қызметкер Еңбек кодексінде көзделген 24 күн емес, 36 күнтізбелік күн демалыс алады. Бұл кәсіподақ қызметінің нақты әрі өлшенетін нәтижесі.

Жалпы алғанда, 70-тен астам қызмет санаты үшін ақылы демалыс мерзімі ұзартылып, басқа да жеңілдіктер қарастырылған.

Келісімді іске асырудың тағы бір маңызды нәтижесі – 80 санаттағы қызметкерлер үшін жалақы көлемін сақтай отырып жұмыс уақытының қысқартылуы. Мысалы, зертханашылар, бухгалтерлер, хатшылар, кір жуатын машиналардың операторлары және басқа да мамандар аптасына 40 сағат емес, 36 сағат жұмыс істейді. Босатылған 4 сағатты демалысқа немесе қосымша табыс табуға пайдалануға болады.

Қызметкерлерге қосымша жұмыс мүмкіндіктері мен еңбекақыны есептеу тәртібін түсіндіру мақсатында кәсіподақтың заң клиникасы «Жергілікті кәсіподақ – әрбір қызметкердің кәсіподағы» акциясы аясында 46 лауазым бойынша «Қызметкер өз жалақысы туралы нені білуі керек?» атты ақпараттық буклеттер дайындады. Онда еңбекақы есептеу тәртібі, үстемақылар мен қосымша төлемдер алу құқықтары және қосымша жұмыспен қамтылу мүмкіндіктері егжей-тегжейлі түсіндірілген. Буклеттер бастауыш кәсіподақ ұйымдарының ақпараттық бұрыштарына орналастырылды.

2025 жылы Жергілікті кәсіподақ аппараты кәсіподақ мүшелеріне және білім беру ұйымдарының басшыларына көмек ретінде еңбек қатынастарының әртүрлі мәселелері бойынша 8 тақырыптық жинақ әзірледі. Келесі жылы «Білім беру ұйымдарында дербес деректерді қорғау» атты кәсіподақ жинағын және «Қазақстан Республикасының Еңбек кодексі мен 2024–2026 жылдарға арналған әлеуметтік әріптестік туралы келісім сандармен» атты ақпараттық бюллетеньді шығару жоспарлануда.

Қазіргі уақытта облыстық кәсіподақ аппараты бастамашылық жасаған қосымша келісім жобасы білім басқармасында қаралуда. Бұл құжатта жаңа жеңілдіктер мен әлеуметтік нормалар көзделген. Сонымен қатар, ауданның бастауыш кәсіподақ ұйымдары да қосымша жеңілдіктер бойынша келісімдер әзірледі. Мысалы, М.Мәметова атындағы бастауыш ұйымында оқу демалысын төлеу мәселесі, аудандық білім бөлімінде демалысқа қосымша күндер беру шарттарын нақтылау қарастырылды.

Соңғы бес жыл ішінде кәсіподақ мүшелері мен олардың балаларына сауықтыру орындарына жолдамалар бойынша жеңілдік беріліп келеді. Аудандық қор есебінен жеңілдік мөлшері 10%-ды құрайды. 2025 жылы филиал 9 қызметкер мен 25 баланың сауықтыруына 300 мың теңгеден астам қаражат жұмсады.

12 бастауыш кәсіподақ ұйымының төрағалары облыстық «Мейірім» қоры арқылы кәсіподақ мүшелерін қорғау бағытында жұмыс жүргізді. Қазіргі таңда 17 бастауыш ұйым қор құрамына енген. Қор мүшелері қиын өмірлік жағдайға тап болған кезде материалдық көмек ала алады.

2025 жылы облыс бойынша 127 кәсіподақ мүшесіне жалпы сомасы 8,5 млн теңге көлемінде материалдық көмек көрсетілді. Оның ішінде 1 млн теңгеден астамы техникалық және қызмет көрсетуші қызметкерлерді қолдауға бағытталды.

Федоров ауданында екі баланы оңалту үшін 150 мың теңге бөлінді (Новошумный жалпы білім беретін мектебі және Балалар шығармашылығы үйі). Қор құрылғаннан бергі бес жыл ішінде 765 кәсіподақ мүшесіне 55 млн теңгеден астам көмек көрсетілді. Оның ішінде Федоров ауданының 10 кәсіподақ мүшесіне 650 мың теңге бөлінді.

Кәсіподақ жұмысының ажырамас бөлігі – ақпараттық қамтамасыз ету. «Ашық кәсіподақ» жобасы аясында облыстық аппарат пен филиалдың жария есептері бұқаралық ақпарат құралдарында тұрақты түрде жарияланып келеді.

Еңбек адамын дәріптеуге ерекше көңіл бөлінді. «Еңбек жолы» жобасы аясында жұмысшы мамандықтарының өкілдері туралы жүзге жуық материал жарияланды. Оның ішінде ауданымыздың бастауыш кәсіподақ ұйымдары қызметкерлері туралы 12 материал жарық көрді.

Жоспардың орындалуы туралы

Филиалдың жылдық жұмыс жоспары нақты нәтижелерге қол жеткізуге, ресурстарды тиімді пайдалануға және жұмыстың сапасын арттыруға мүмкіндік береді. Жоспарланған іс-шараларды жүйелі түрде жүзеге асыруға, бастауыш кәсіподақ ұйымдары төрағаларының жұмысын үйлестіруге, орындалуын бақылауға және туындаған мәселелерге байланысты қажетті түзетулер енгізуге жағдай жасайды. Жоспарлау жүйесі арқылы бастауыш кәсіподақ ұйымдарының қызметіндегі белгісіздік азайып, күтілетін нәтижелер айқындалады.

2025 жылы бастауыш кәсіподақ ұйымдары техникалық персоналдың үздік қызметкерлерін анықтау және марапаттау бағытында ауқымды жұмыс атқарды. Олардың еңбегі білім беру ұйымдарының қалыпты жұмыс істеуіне, балалар мен ересектер үшін қолайлы орта қалыптастыруға зор үлес қосады.

Кәсіподақтың арнайы жобасы аясында адал еңбегі үшін Пешков бастауыш кәсіподақ ұйымының қызметкері М.И. Бобрицкая мен Новошумный бастауыш кәсіподақ ұйымының қызметкері Н.Ф. Адамская туралы облыстық газет пен әлеуметтік желілерде материал жарияланды.

Сондай-ақ Кравцов бастауыш кәсіподақ ұйымының аспазы А.А. Моор туралы материал облыстық Instagram парақшасында жарияланды.

«Еңбек адамы» акциясының қорытындысы бойынша Абай атындағы жалпы білім беретін мектептің 26 қызметкері жалпы сомасы 100 мың теңгеге марапатталды.

«Мен және менің жұмыс орным» атты бейнероликтер байқауына белсенді қатысқаны үшін Абай атындағы бастауыш кәсіподақ ұйымының зертханашысы В.М. Баймлер, Баннов бастауыш кәсіподақ ұйымының мүшесі А.Ф. Визер және Ы.Алтынсарин атындағы бастауыш кәсіподақ ұйымының мүшесі М.Б. Жылқайдарова филиалдың дипломдарымен марапатталды.

Көрермендер көзайымы номинациясы бойынша облыстық жергілікті кәсіподақ аппараты А.Ф. Визерді дипломмен және ақшалай сыйлықпен марапаттады.

Тәжірибе алмасу

Жұмыс жоспарын орындау аясында «Төраға – төрағаға» тәжірибе алмасу кездесуі өткізілді. Онда Пешков бастауыш кәсіподақ ұйымының төрағалары Н.А. Подгора және О.А. Мелешко өз қызметтеріне жан-жақты талдау жасап, атқарылған жұмыстар мен қаржылық саясаттың жүзеге асырылуы туралы баяндады.

О.А. Мелешко кәсіподақ мүшелері алдында қаржының жұмсалуы бойынша есеп берудің маңыздылығына және филиалға қаржылық есептілік тапсыру кезінде қажетті құжаттар тізіміне ерекше тоқталды.

Н.А. Подгора білім беру сапасын арттыру, педагог мәртебесін көтеру және кәсіби ортаны дамыту тек бірлескен әрі үйлесімді жұмыстың нәтижесінде мүмкін болатынын атап өтті.

Ағымдағы жылдың мамыр айында өткен атқару комитетінің кеңейтілген отырысында О.А. Мелешко бастауыш ұйымның жұмыс жоспарын тиімді жүзеге асырғаны үшін филиалдың Құрмет грамотасымен марапатталды.

Әлеуметтік әріптестік туралы келісімнің орындалуын бақылау

Филиал Абай атындағы және М.Мәметова атындағы бастауыш кәсіподақ ұйымдарында 2024–2026 жылдарға арналған өңірлік әлеуметтік әріптестік келісімінің жеңілдік нормаларының орындалуына бақылау жүргізді.

Бақылау барысында қажетті құжаттар зерделеніп, әлеуметтік әріптестермен еңбек қатынастары, әлеуметтік-экономикалық қолдау және ұжымдық шарттарда көзделген кепілдіктердің орындалуы мәселелері бойынша кездесулер өткізілді.

Тексеру нәтижелері аталған ұйымдарда кәсіподақ мүшелерінің құқықтары мен әлеуметтік-экономикалық мүдделерінің тиімді қорғалатынын көрсетті. Жыл бойы әлеуметтік-еңбек қатынастарына қатысты бұйрықтар мен өкімдер кәсіподақ комитетімен келісіліп отырды.

Кәсіподақтың бақылауында:

• жұмысқа қабылдау;
• басқа жұмысқа ауыстыру;
• жұмыстан босату;
• аттестаттау нәтижелерін рәсімдеу;
• жұмыс және демалыс уақытын сақтау;
• көтермелеу шаралары;
• еңбек қауіпсіздігі мәселелері болды.

Мұндай ұйымдардағы берік әлеуметтік әріптестік ұжымның тұрақты дамуына ықпал етеді.

Кәсіподақ мүшелігінің маңызы

Бүгінгі күні кәсіподақ мүшесі болу әрбір қызметкердің қажеттілігіне айналуы тиіс. Бұл тек құқықтық және материалдық қолдау кепілі ғана емес, сонымен бірге азаматтық ұстанымның, ұжымдық ынтымақтастық пен бірліктің көрінісі болып табылады.

Кәсіподақтың барлық іс-шаралары ақпараттық кеңістікте кеңінен насихатталуда. 2025 жылы олардың көпшілігі Жұмысшы мамандықтары жылы аясында өткізілді.

Мысалы, облыстық отбасылық қысқы кәсіподақ спартакиадасы «Азарт. Денсаулық. Демалыс!» 100-ден астам кәсіподақ мүшесін жинады. Оның ішінде техникалық қызметкерлер де қатысты. Федоров ауданынан Ы.Алтынсарин атындағы мектептің көпбалалы Айтбаевтар отбасы қатысып, аудан намысын қорғады.

Жеңімпаздар, жүлдегерлер және қатысушылар дипломдармен және кәсіподақ сыйлықтарымен марапатталды.

Рейтинг қорытындылары және алдағы міндеттер

Кәсіподақ қызметінің жетістіктері филиалдар мен бастауыш кәсіподақ ұйымдарының жұмыс тиімділігін бағалау рейтингісінің негізіне алынды.

Филиалдың қызметі 50 көрсеткіш бойынша бағаланды. Бағалау нәтижесінде:

• қолайлы жағдайлар жасау көрсеткіші бойынша – 3-орын;
• нәтижелілік көрсеткіші бойынша – 6-орын иеленді.

Рейтинг нәтижелеріне терең талдау 2025 жылдың қазан айында өткен атқару комитетінің кеңейтілген отырысында жасалды.

Бастауыш кәсіподақ ұйымдары арасында:

• Абай атындағы жалпы білім беретін мектеп – І орын;
• Пешков жалпы білім беретін мектебі – ІІ орын;
• Баннов жалпы білім беретін мектебі – ІІІ орын алды.

Кәсіподақ ұйымының жұмыс нәтижелілігін арттыру мақсатында келесі міндеттер қойылды:

1. М.Мәметова атындағы, Баннов, Воронеж және Минск бастауыш кәсіподақ ұйымдарының төрағалары кәсіподақ мүшелігінің тартымдылығын арттыру бағытындағы жұмысты күшейтіп, кәсіподаққа кірмеген қызметкерлерді ұйым қатарына тарту жұмыстарын жүргізуі қажет.
2. Бастауыш кәсіподақ ұйымдарының жоспарланған іс-шараларға белсенді қатысуын қамтамасыз ету және олардың орындалу сапасын арттыру қажет.

Атқару комитетінің қызметі

Филиал жанынан жұмыс істейтін алқалы басқару органы – атқару комитеті. 2025 жылы оның 5 отырысы өткізілді.

Филиалдың жұмыс жоспарына сәйкес тоқсан сайынғы отырыстарда:

• қызметкерлер мен олардың балаларын сауықтыру;
• қызметкерлерді марапаттау;
• қиын өмірлік жағдайға тап болған кәсіподақ мүшелеріне материалдық көмек көрсету;
• бастауыш кәсіподақ ұйымдары төрағаларының есептері;
• қаржы қаражатының жұмсалуы мәселелері қаралды.

Қаржылық қолдау және шығыстар

Атқару комитетінің шешімімен бекітілген шығындар сметасына сәйкес 2025 жылы іс-шараларды өткізуге 1 647 536 теңге бөлінді.

Оның ішінде:

• бастауыш кәсіподақ ұйымдарына – 725 000 теңге;
• филиал тарапынан – 923 536 теңге.

Қаражат келесі бағыттарға жұмсалды:

• материалдық көмек көрсетуге – 70 000 теңге;
• білім беру ұйымдары қызметкерлерін марапаттауға – 357 081 теңге;
• мерейтой иелері мен еңбек ардагерлерін құрметтеуге – 146 392 теңге;
• спорттық іс-шараларға – 49 000 теңге.

Құқықтық сауаттылықты арттыру

Қызметкерлердің құқықтық сауаттылығын арттыру мақсатында заманауи оқыту форматтары енгізілуде.

2025 жылдың қараша айында жаңадан құрылған облыстық оқу орталығы білім беру ұйымдарының 106 татуластыру комиссиясы мүшесін тегін оқытты.

Әдістемелік материалдар әр қызметкердің лауазымдық ерекшеліктерін ескере отырып әзірленді.

Әсіресе:
«Тиімді оқыту – тиімді кәсіподақ. Еңбек қатынастары. 5 минутта үйрен!» жинағы үлкен сұранысқа ие болды. Оны дайындау барысында 30-дан астам нормативтік-құқықтық акт пайдаланылды.

Сонымен қатар келесі басылымдардың да маңызы зор болды:

• «Еңбек демалысы: сұрақтар мен жауаптар»;
• педагогтердің оқу жүктемесін бөлу мәселелері бойынша қолданыстағы нормативтік актілерге түсіндірмелер;
• «Кәсіподаққа сүйене отырып, басшылардың беделі мен имиджін нығайтудың кейбір мәселелері туралы» ақпараттық бюллетень.

Барлық материалдар жергілікті кәсіподақ аппаратының ресми сайтында ашық қолжетімділікте орналастырылған.

2025 жылдың маңызды қорытындылары

2025 жылдың маңызды нәтижелерінің бірі – қаржылық саясат пен ынталандыру жүйесінің дамуы болды.

Алғаш рет тамыз кеңесінде жылдың қорытындысы бойынша үздік педагогтерге «Мерей» сыйлығы табысталды.

Сыйлық иегерлері:

• Ю.В. Ефремова (Пешков бастауыш кәсіподақ ұйымы);
• Н.Н. Иванова (Первомай бастауыш кәсіподақ ұйымы);
• Г.К. Қалиева (Абай атындағы бастауыш кәсіподақ ұйымы).

Қорытынды

Жұмысшы мамандықтары жылы аясында қойылған міндеттер кезең-кезеңімен орындалды. 2026 жылға арналған даму басымдықтары айқындалды. Олардың қатарында:

• кәсіподақ бірлігін одан әрі нығайту;
• кәсіподақтың қорғау функциясын жүзеге асырудың жаңа тәсілдерін енгізу;
• қоғамдық бақылау тетіктерін дамыту бар.

Сонымен қатар, 2026 жыл Дәстүрлі құндылықтар жылы болып жарияланды.

Осыған байланысты:

• отбасылық құндылықтарды нығайтуға;
• кәсіби дәстүрлерді сақтауға;
• еңбек ұжымдарының бірлігін арттыруға;
• аға буынның тәжірибесі мен еңбегіне құрмет қалыптастыруға бағытталған кешенді іс-шаралар өткізілетін болады.